სოკოს ვრაპი

ვრაპები საკმაოდ კარგი არჩევანია სამსახურში/სასწავლებელში წასაღები ლანჩისთვის. მისი მომზადება საკმაოდ მარტივია და ცოტა დროს მოითხოვს. მსუბუქია და თან ნოყიერი. არც რაიმე განსაკუთრებული ინგრედიენტი სჭირდება და არც წასაღებადაა რთული (გადაახვიეთ სამზარეულოს ცელოფანში). ვრაპების უამრავი ვარიაცია არსებობს. რადგან მარხვის დღეებია, სამარხვო ვარიანტს გთავაზობთ და მომავალში ხორცით მომზადებული ვრაპის რეცეპტსაც გაგიზიარებთ.

ბარდის კრემ-სუპი

ყვითელი ბარდა საკმაოდ სასარგებლო პროდუქტია. ის ძალიან კარგი დანამატია ნებისმიერი დიეტისთვის. 1/2 ჩ.ჭ. ბარდა შეიცავს 144 კალორიას, 10 გ. ცილას, 1 გ-ზე ნაკლებ ცხიმს, 26 გ. კარბოჰიდრატებს, 2 მგ. ნატრიუმსა და საერთოდ არ შეიცავს ქოლესტერინს. ყვითელი ბარდა ასევე ძალიან კარგი საკვები წყაროა B-1 ვიტამინისა (0.18. მგ) და სხვა საჭირო მინერალების, როგორებიცაა ფოსფორი და კალიუმი. ფოსფორი და კალციუმი ძლიერი ძვლების საფუძველია. კალიუმი კი არეგულირებს გულის ცემის სიხშირეს, სისხლის წნევასა და ხელს უწყობს სისხლის მიმოქცევის ჯანსაღ მიმდინარეობას. ყველა ზემოთჩამოთვლილ მინერალთან ერთად ბარდა შეიცავს მოლიბდენსა და მანგანუმს, რომლებიც მეტაბოლურ პროცესებს აუმჯობესებენ.
როგორც ხედავთ ბარდა ნამდვილად კარგი პროდუქტია და მისი საკვებ რაციონში ჩართვა სასარგებლო იქნება თქვენი ჯანმრთელობისთვის.
რაც შეეხება კრემ-სუპს ძალიან გემრიელია, განსაკუთრებულ არომატს შემწვარი ბულგარული წიწაკები ანიჭებს.

ვაშლის სამარხვო ნამცხვარი

       გუშინ ჩვეულებრივი სამარხვო კექსის გამოცხობას ვაპირებდი, გემო დაახლოებით ისეთი ექნებოდა, როგორიც ამ პოპულარულ სამარხვო ორცხობილებს, მაგრამ მე რაიმე ახლის მომზადება მინდოდა, ამიტომ გადავწყვიტე მოხარშული კრემით, ვაშლით, ნიგვზითა და ქიშმიშით შემექმნა განსხვავებული გემო და ნამდვილად გამომივიდა. თუ ამ ნამცხვარს გამოაცხობთ აუცილებლად ძალიან გემრიელი და არომატული ჯემი გამოიყენეთ, რათა ბისკვიტიც ასეთივე გამოგივიდეთ.

შოკოლადის სამარხვო ნამცხვარი

რადგან მარხვაა, შესაბამისად აქტუალურია კატეგორია "სამარხვო", მკითხველთა განსაკუთრებულ ინტერესს კი ნამცხვრების რეცეპტები იპყრობს. ამიტომ სამარხვო კექსის მომზადების კიდევ ერთ ვარიანტს გთავაზობთ. იმედი მაქვს, ეს რეცეპტიც დაიმსახურებს თქვენს მოწონებას.

სოკოს სუპი

     სამი მარტივი და გემრიელი კერძის რეცეპტი დამიგროვდა თქვენთვის გასაზიარებელი. რადგან მარხვაა, მხოლოდ ამ კატეგორიაში იქნება ახალი პოსტები მკითხველთა ინტერესის შესაბამისად. რეიტინგული სწორებ სამარხვო კერძების რეცეპტებია. რაც შეეხება დღევანდელ სოკოს სუპს, ძალიან მარტივი და სწრაფად მოსამზადებელია. მე დაკონსერვებული სოკოთი გავაკეთე, ამიტომ ძალიან არომატული არ იყო, თქვენ გირჩევთ ცოცხალი სოკო გამოიყენოთ.

ტარხუნის უგემრიელესი სამარხვო ღვეზელი

      რადგან მარხვის დღეებია შესაბამის კატეგორიაზე მოთხოვნა საკმაოდ გაიზარდა და მეც ახალი რეცეპტი მოგიმზადეთ. ძალიან არომატული და გემრიელი ტარხუნის ღვეზელები მოწონებას აუცილებლად დაიმსახურებს თქვენს ოჯახის წევრებს შორის. შიგთავსის საოცარი არომატის გარდა, ამ ღვეზელს ძალიან ჰაეროვანი და გემრიელი ცომი აქვს, რომელიც შეგიძლიათ ლობიანებისთვის, ხაჭაპურისთვის და სხვა ნებისმიერი ღვეზელისთვის.

ყავის სამარხვო ნამცხვარი ნიგვზით

   ეს ნამცხვარი შობის მარხვის დროს ახალი წლისთვის გავაკეთე. იმის შემდეგ დადება არ ვიჩქარე, რადგან მარხვა დამთავრდა და ეს რეცეპტიც არ იქნებოდა თემატური და საინტერესო ბლოგის მკითხველთათვის. ახლა კი, მარხვის პერიოდში, ვფიქრობ, გამოგადგებათ.

სოკოს "კუჭმაჭი" მჭადის კალათებში

             გილოცავთ შობა-ახალ წელს! ტკბილი, გემრიელი და ბედნიერი ყოფილიყოს 2016 წელი თქვენთვის. ამ წელს პირველ რეცეპტს ვდებ. ეს არის ძალიან გემრიელი, სამარხვო სოკოს „კუჭმაჭი“ სანელებიანი მჭადის კალათებში. ფაქტობრივად ეს პოსტი 2 ახალ რეცეპტს აერთიანებს. მართალია ახლა მარხვა მთავრდება, მაგრამ აღდგომის მარხვისთვის გამოგადგებათ ან თუ სოკო გიყვართ შეგიძლიათ ახლაც მოამზადოთ.

მაყვლისა და ჟოლოს ხვეულები

ხვეულები ან ფუნთუშები, რაც გინდათ ის უწოდეთ, ძალიან არომატული და გემრიელია. კარგია საუზმისთვის ფინჯან ჩაისთან ან ყავასთან ერთად. თუმცა დესერტადაც შეგიძლიათ მიირთვათ. მომზადება საკმაოდ მარტივია, მთავარია ცომი არ გაგიცივდეთ, რომ გაფუვდეს.

რატატუი

რატატუი ფრანგული კერძია. საკმაოდ გავრცელებული და პოპულარულია ხმელთაშუა ზღვის სანაპიროზე. რატატუის ხშირად იყენებენ გარნირად, თუმცა ძირითად კერძადაც შეგიძლიათ მიირთვათ. მისი მომზადების რამდენიმე ვარიანტი არსებობს- ზოგი ცალკე ამზადებს პომიდვის სოუსს, რომელშიც ხახვსა და ნიორს ამატებს. ზოგი კი ყველაფერს ერთად ურევს. მე პირველ ვარიანტს გთავაზობთ, რომელიც ვიზუალურად ბევრად უკეთესია.

პომიდვრის გასპაჩო

გასპაჩო ესპანურ სამზარეულოს მიეკუთვნება. ეს არის ბოსტნეულის ცივი სუპი, რომლის ისტორიასაც ანტიკური ფესვები აქვს. ამ კერძს მრავალ ქვეყანაში მიირთმევენ, თუმცა განსაკუთრებით პოპულარულია ესპანეთსა და პორტუგალიაში. არსებობს გასპაჩოს მომზადების მრავალი ვარიაცია, რომლებიც ძირითადი იგრედიენტით განსხვავდებიან. პომიდვრის გასპაჩო ყველაზე მეტადაა გავრცელებული და მეც სწორედ მისი მომზადების რეცეპტს გთავაზობთ. სუპები აუცილებელია საჭმლის ნორმალური მონელებისათვის, ზაფხულში კი ცხელი წვნიანების ჭამა რთულია, ამ დროს ცივი სუპები საუკეთესო არჩევანია.

ალუბლის გრანიტა

გრანიტა არაჩვეულებრივი დესერტია ზაფხულის ცხელი დღეებისთვის - ცივი, გემრიელი და დაბალკალორიული. ეს არის კრისტალებად გაყინული სიროფი. ერთი შეხედვით იფიქრებთ, რომ დიდი არაფერია, მაგრამ, დამიჯერეთ, ძალიან არომატული და გემრიელია. განსაკუთრებულია მომზადების სიმარტივითაც. შედარებით დიდი დრო მის გაყინვასა და დაკრისტალებას სჭირდება. ამ დესერტს კიდევ ერთი პლუსი აქვს, შეგიძლიათ მარხვის დროსაც მიირთვათ :) <3 ხილი თქვენი გემოვნებისა და შესაძლებლობის მიხედვით შეგიძლიათ შეცვალოთ, მთავარია ინსტრუქციას მიჰყვეთ.

granola/oatmeal bars-შვრიის ფირფიტები

გრანოლა მთელს მსოფლიოში პოპულარული საუზმე და წასახემსებელია.  ასევე კარგია დესერტად, პიკნიკსა და ლაშქრობებზე წასაღებად, რადგან აქვს მაღალი ენერგეტიკული ღირებულება და მალეც არ ფუჭდება, მთავარია ჰერმეტულად დახურულ ჭურჭელში შეინახოთ. ძირითადი ინრედიენტი შვრიაა, რომელსაც ხილს, თხილეულს, თაფლს, არაქისის კარაქსა და სხვადასხვა რაღაცას უმატებენ. მომზადება მარტივია და ცოტაოდენი დრო სჭირდება, თუმცა გამოცხობის შემდეგ აუცილებელია მაცივარში შევინახოთ 8-10 საათით. 

გამომცხვარი კარტოფილი

სანამ უშუალოდ რეცეპტის აღწერაზე გადავალ, მინდა მადლობა გადაგიხადოთ ბლოგის თითოეულ მკითხველს ბოლო პერიოდის რეიტინგისთვის. საოცრად სასიამოვნო გრძნობა გეუფლება, როცა ხვდები, რომ რასაც აკეთებ გიფასდება და ხალხს მოსწონს. აზიარებენ, აკომენტარებენ, ალაიქებენ შენს რეცეპტებს. კიდევ ერთხელ დიდი მადლობა ამისთვის, ყოველთვის ვეცდები, რომ უფრო და უფრო მეტი იდეა შემოგთავაზოთ, თქვენც შეგიძლიათ კომენტარებში დამიწეროთ თხოვნები თუ რისი რეცეპტი გსურთ. ან მომწერეთ ფეისბუქის გვერდზე შეტყობინებებში.

ახლა კი რეცეპტზე გადავალ. ძალიან მარტივია და გემრიელი. დრო მხოლოდ კარტოფილის გამშრალებაში დაგეკარგებათ. სხვა ყველაფერი სწრაფად ხდება. 

სოკოს ღვეზელი ლავაშით

როგორც დაგპირდით მარხვის პერიოდში ვეცდები ბევრი რეცეპტი შემოგთავაზოთ კატეგორიაში "სამარხვო". ერთ-ერთი ეს ღვეზელია, უგემრიელესია. ვერ გეტყვით რომ მალე მოამზადებთ, თუმცა ღირს გაკეთება. კარგი არჩევანია ლანჩისთვის, სამსახურში ან სასწავლებელში წასაღებად. მე გამოვიყენე ხის სოკო. ვფიქრობ, ქამა სოკოთიც კარგი გამოვა.

მარტივი სალათა

ბოლო პერიოდში სულ დესერტების რეცეპტებს გთავაზობდით. დღეს კი უგემრიელესი სალათის მომზადებას გასწავლით. 15 წუთში, ძალიან მარტივად კეთდება. რაც მთავრია, ჯანსაღია და სასარგებლო, ვიტამინებით მდიდარი. მარხვის დღეებში განსაკუთრებით კარგი არჩევანია. თუ ერთხელ მოამზადებთ, დარწმუნებული ვარ თქვენთვის ერთ-ერთი საყვარელი სალათი გახდება.

სოკოს სამარხვო ბლინჩიკები

დღეს ძალიან გემრიელი ბლინჩიკების რეცეპტს გთავაზობთ. შარშანაც მოვამზადე, თუმცა ფოტოს გადაღება ვერ მოვახერხე. თუ სოკო გიყვართ ეს რეცეპტი მოგეწონებათ. მარხვის დღეებში განსაკუთრებით გამოგადგებათ შეგიძლიათ მოამზადოთ და გაყინოთ, სასურველ დროს კი გამოიღოთ და შეწვათ. 

სოკოსა და კარტოფილის სალათა

შობის მარხვის დღეებია და ალბათ ხშირად გიწევთ ფიქრი იმაზე თუ რა მოამზადოთ. დღეს გასწავლით ძალიან მარტივ სალათს, რომელიც საახალწლო სუფრასაც დაამშვენებს. არანაირ სირთულეს არ წარმოადგენს მისი მომზადება. ამაში თავადაც დარწმუნდებით, თუ კითხვას განაგრძობთ და რეცეპტს გაეცნობით. 

მოშუშული ყვავილოვანი კომბოსტო

შობის მარხვის დღეებია და მინდა ერთი ძალიან კარგი რეცეპტი გაგიზიაროთ. ჩვენი ორგანიზმისთვის ცილა უმნიშვნელოვანესი ორგანული ნივთიერებაა. რადგან მარხვის პერიოდში ცხოველურ ცილას ვერ ვიღებთ, ამიტომ აუცილებელია მცენარეულით შევცვალოთ. ყვავილოვანი კომბოსტო მდიდარია ცილით, ასევე სხვადასხვა მინერალითა თუ ვიტამინით. მოკლედ, ეს კერძი არა მარტო გემრიელი, არამედ ძალიან სასარგებლოცაა. გირჩევთ მოამზადოთ. ბევრ დროს არ წაგართმევთ.

საზამთროს სორბე

     უკვე შემაწუხებლად ცხელა, იმისათვის რომ გაგრილდეთ ამ მარტივ რეცეპტს გაგიზიარებთ. იმდენად მცირე ძალისხმევას მოითხოვს მისი მომზადება, რომ ვფიქრობ არ დაიზარებთ, გააკეთებთ და გაგრილდებით. კალორიებზე ღელვაც არ მოგიწევთ, ხილის ნაყინი-სორბე საკმაოდ დაბალკალორიულია.
     შეგიძლიათ მოამზადოთ სხვადასხვა ხილისგან შემდეგი რეცეპტით. :))