კენკრისა და იოგურტის მაფინები

მაფინების სხვადასხვა რეცეპტი შეგიძლიათ იხილოთ ბლოგზე, ამისათვის გადადით ბმულზე მაფინების რეცეპტები. დღევანდელი რეცეპტი სრულიად განსხვავებულია, ძალიან სწრაფი და მარტივად მოსამზადებელი. კენკრა განსაკუთრებულ არომატს ანიჭებს, ეს მაფინები ძალიან გემრიელი, ფაფუკი და ჰაეროვანია. ნამდვილად ღირს რომ მოამზადოთ.

ჟოლოსა და მაწვნის ნაყინი

ყველაზე ცხელი სეზონია და, შესაბამისად, ცივი დესერები ძალიან აქტუალურია, მათ შორის კი-ნაყინი. სახლის პირობებშიც შეგიძლიათ მისი მარტივად მომზადება, რამდენიმე ინგრედიენტით, ჩვენს შემთხვევაში მხოლოდ ხილი, მაწონი, ცოტა შაქარი და ვანილია საჭირო. მომზადების დრო (გაყინვის გარეშე) მაქსიმუმ 10 წუთია. ნაყიდი ნაყინისგან განსხვავებით უფრო დაბალკალორიული და ჯანსაღია.  იდეა გადაცემიდან "სხვა შუა დღე." მათ ამ რეცეპტის დაანონსებისას ჩემი ბლოგიდან აღებული ფოტო გამოიყენეს, თუმცა ის სულ სხვა რეცეპტია. იხილეთ აქ. ახალი კატეგორია დავამატე "საზაფხულო" და ვეცდები ამ სეზონზე ბევრი კარგი რეცეპტი შევმატო <3

მარწყვის ტრაიფლი - ჩინური (ინდური) ტორტი

ბოლო პერიოდში პოპულარულ პოსტებში გამოჩნდა ატმის ტრაიფლის რეცეპტი (ჩინური ტორტის რეცეპტები). ამიტომ კიდევ ერთ ძალიან გემრიელ რეცეპტს გთავაზობთ. ესეც მარტივი და სწრაფად მოსამზადებელია და, რაც მთავარია, ძალიან გემრიელი. ბისკვიტი კლასიკურია, კვერცხი, შაქარი და ფქვილი. შეგიძლიათ ორცხობილა გამოიყენოთ, თუ დროის დაზოგვა გსურთ. მომზადების შემდეგ აუცილებლად გააჩერეთ რამდენიმე საათი მაცივარში.

ნამცხვარი "სიგარეტები"

ალბათ ყველასთვის ნაცნობი ნამცხვარია, მისი შეძენა მაღაზიებშიც შეგიძლიათ. თუმცა მომზადება იმდენად მარტივია გირჩევთ სახლში გააკეთოთ. რამდენიმე ინგრედიეტი დაგჭირდებათ და დროც საკმაოდ მცირე.

ბრაუნი თხილით-უგემრიელესი დესერტი

ძალიან დიდი ხანია არაფერი დამიდია.. დრო არ მქონდა და ამიტომ.. თუმცა დღეიდან ვეცდები შედარებით გავაქტიურდე ბლოგზე. ბრაუნის მომზადების მრავალი ვარიაცია არსებობს, 2 სახის რეცეპტი ბლოგზე დევს (იხილეთ ბრაუნის რეცეპტები ) ახალი რეცეპტი წინა ორისგან განსხვავებულია, აქ შოკოლადის ნაცვლად კაკაო გამოიყენება. რამდენიმე ინგრედიენტისგან, მცირე ძალისხმევით შეგიძლიათ უგემრიელესი ნამცხვარი მოამზადოთ. დროც საკმაოდ ცოტა დაგჭირდებათ.

ნამცხვარი "მედოკი"

საკმაოდ ძველი რეცეპტია და ალბათ ბევრ თქვენგანს გაუსინჯავს "მედოკი" და უყვარს კიდეც. მომზადება საკმაოდ მარტივია, არც ბევრ დროს საჭიროებს. რამდენიმე ინგრედიენტი და უგემრიელესი ნამცხვარი მზად იქნება.

მიწისთხილის კარაქის ორცხობილები (პეჩენიები)

დიდი ხანია არაფერი დამიდია, სამწუხაროდ ვერ მოვახერხე. თუმცა დღეს უგემრიელესი ორცხობილების რეცეპტს გთავაზობთ, არაქისის/მიწისთხილის კარაქის მოყვარულებს განსაკუთრებით მოგეწონებათ. საკმაოდ მარტივად და სწრაფად მზადდება. არაქისის კარაქის გაკეთება სახლშიც შეგიძლიათ, ამისთვის იხილეთ ეს ბმული არაქისის კარაქის მომზადება

შვრიისა და ქიშმიშის ორცხობილები (პეჩენიები)

შვრია ძალიან კარგი პროდუქტია, სასარგებლოა სახის კანისთვის, კუჭ-ნაწლავისთვის.. მისგან მომზადებული დესერტები უგემრიელესია.  დღეს ძალიან კარგ რეცეპტს გთავაზობთ, ხრაშუნა, არომატული და გემრიელი ორცხობილების მოსამზადებლად. მოწონებას დაიმსახურებს ოჯახის წევრებს შორის <3 ამ პორციით გამოდის 30-35 ცალი. 1 ორცხობილა = 132 კკალს.

granola/oatmeal bars-შვრიის ფირფიტები

გრანოლა მთელს მსოფლიოში პოპულარული საუზმე და წასახემსებელია.  ასევე კარგია დესერტად, პიკნიკსა და ლაშქრობებზე წასაღებად, რადგან აქვს მაღალი ენერგეტიკული ღირებულება და მალეც არ ფუჭდება, მთავარია ჰერმეტულად დახურულ ჭურჭელში შეინახოთ. ძირითადი ინრედიენტი შვრიაა, რომელსაც ხილს, თხილეულს, თაფლს, არაქისის კარაქსა და სხვადასხვა რაღაცას უმატებენ. მომზადება მარტივია და ცოტაოდენი დრო სჭირდება, თუმცა გამოცხობის შემდეგ აუცილებელია მაცივარში შევინახოთ 8-10 საათით. 

კექსი ქოქოსის ფანტელებითა და ერბოთი

ორი დღის წინ, მინდოდა რამე გამომეცხო, მარტივი და სწრაფი, რადგან ბევრი თავისუფალი დრო არ მქონდა. ბლინებს ან კექსს ვფიქრობდი.  საბლოოდ კექსი ავირჩიე და გაკეთება დავიწყე, ვიფიქრე რა იქნებოდა ერბო დამემატებინა ზეთის ან კარაქის მაგივრად. ვცადე და მომეწონა. ქოქოსის ფანტელები შემორჩენილი მქონდა და ისიც დავამატე. ესეც მოუხდა. ექსპერიმენტების ჩატარება სამზარეულოში ხშირად ამართლებს.. 

ეკლერი

მოგესალმებით. დღესაც დესერტის რეცეპტს გთავაზობთ.ეკლერი მიეკუთვნება ფრანგულ სამზარეულოს. ზოგი ადამიანი ფიქრობს, რომ პირველად მე-18-19 საუკუნეში მოამზადა ფრანგმა შეფ-მზარეულმა. ეკლერი ერთ-ერთი პოპულარული წარმომადგენელია ღვეზელის ოჯახის (pie family), მიირთმევენ მთელს მსოფლიოში.
ეს რეცეპტი გამოირჩევა სიმარტივით და, რა თქმა უნდა, კარგი გემოთი. კრემი განსხვავებულია, არა მოხარშული ან ნაღების, არამედ ბეზეს, რომელიც განსხვავებულადაა მომზადებული და ამის გამოც გირჩევთ რეცეპტი შეინახოთ <3

გამომცხვარი ბეზე ყავის არომატით

შოკოლადის უგემრიელესი დესერტი ამ რეცეპტის მომზადების შემდეგ კვერცხის ცილა დამრჩა, მინდოდა მათი გამოყენებითაც რამე გამომეცხო, სხვადასხვა რეცეპტი ვნახე და ბოლოს ეს ავარჩიე. ძალიან მარტივია და 1 საათში ცხვება, განსხვავებით ბეზეს გამოცხობის სხვა ვარიანტებისგან. ძალიან გემრიელია, შეგიძლიათ გააფორმოთ ნამცხვრები ან პირდაპირ მიირთვათ, როგორც დესერტი.

შოკოლადის უგემრიელესი დესერტი

კიდევ ერთი ახალი რეცეპტი დღეისთვის,  მარტივი და ძალიან გემრიელი დესერტის მოსამზადებლად. თუ გიყვართ შოკოლადი, მაშინ ეს მუსი/კრემი მოგეწონებათ. რაც გინდათ ის დაარქვით, მთავარია მისი გემო. მოამზდეთ და გაახარეთ ოჯახის წევრები/მეგობრები.

კექსი შინდის ჯემით

დღეს კიდევ ერთ მარტივ რეცეპტს გთავაზობთ. ამ ნამცხვრის მომზადებას საკმაოდ ცოტა დრო სჭირდება.  ჰაეროვანი, მსუბუქი, არომატული და ძალიან გემრიელია. შინდის შესანიშნავ გემოს ემატება ფორთოხლის ცედრა, რაც კიდევ უფრო კარგ არომატს ანიჭებს კექსს. ძალიან უხდება ჩაის და ყავას. კვირის ბოლოსთვის მშვენიერი არჩევანია :)

ფორთოხლის არომატული ტარტი

ტარტი ჩემი ერთ-ერთი საყვარელი დესერტია. მისი მომზადების უამრავი ვარიაცია არსებობს, განსხვავებულია, როგორც ცომი, ასევე შიგთავსი. ბლოგზე რამდენიმე განსხვავებული რეცეპტია. ვაშლის, ლიმონის, შინდის ჯემისა და მაყვლის ტარტების რეცეპტები შეგიძლიათ იხილოთ ლინკზე - ტარტები. დღევანდელი რეცეპტი, ისევე, როგორც წინამორბედები, ძალიამ გემრიელი, მარტივი და არომატულია.

ვაშლის ფენქეიქები

ფენქეიქები, ჩვენებურად ბლინები- მარტივი და სწრაფი საუზმე. მათი მომზადების სამი განსხვავებული რეცეპტის ნახვა შეგიძლიათ ბლოგზე. დღევანდელი პოსტი კი ფენქეიქების მომზადების ახალ ვარიანტს გაგაცნობთ. აქ განსაკუთრებულ გემოს ვაშლი ქმნის, რასაც ფორთოხლის ცედრის საოცარი არომატი ემატება.

ფორთოხლისა და ვაშლის ნამცხვარი

ძველით ახალ წელს გილოცავთ! ბედნიერების მომტანი წელი ყოფილიყოს. ძალიან გემრიელი, არომატული და ჰაეროვანი ნამცხვრის რეცეპტს გთავაზობთ. მომზდებაც საკმაოდ მარტივია, ინგრედიენტებიც ყველასთვიხ ხელმისაწვდომი. მოკლედ, უბრალო, მაგრამ ძალიან გემრიელი ნამცხვარია, რომელსაც განსაკუთრებულებას ხილის საოცარი არომატი ანიჭებს.

ნამცხვარი "სნიკერსი"

ცხობა ჩემთვის განტვირთვის საუკეთესო საშუალებაა. შეიძლება ბევრი თგვენგანისთვისაც ასეა. ნამცხვრის დაგემოვნებაზე მეტად, მომზადების პროცესი მაბედნიერებს. ცხობისადმი ჩემი დიდი სიყვარული ბლოგზეც ისახება. რეცეპტების უმეტესი ნაწილი ეკუთვნის კატეგორიას დესერტები. დღევანდელი რეცეპტი, ვფიქრობ, მოგეწონებათ, თუ მოამზადებთ. დამიჯერეთ, ძალიან გემრიელია! 

ნამცხვარი "რაფაელო"

ახალ წელს გილოცავთ! ბედნიერების და წარმატების მომტანი ყოფილიყოს 2015 წელი თქვენთვის. პირველი რეცეპტი გადავწყვიტე დესერტის დამედო. ეს ნამცხვარი მე არ გამისინჯავს, მაგრამ როგორც მითხრეს ძალიან გემრიელი გამოვიდა ჰაეროვანი კრემით. ქოქოსის მშვენიერ სურნელი აქვს. ვფიქრობ მოგეწონებათ.

მიწისთხილის გოზინაყი

წარმოგიდგენიათ ახალი წლის ღამე უგემრიელესი გოზინაყის გარეშე? :) ალბათ არა. მის გარეშე ხომ ვერ "დავაბერებთ ტკბილად" ოჯახის წევრებს :D ჩემს სახლში ბებო ყოველთვის ნიგვზის გოზინაყს აკეთებდა. ორჯერ მეც გავაკეთე და შარშან მიწისთხილისაც ვცადე, უგემრიელესი გამოდის. მზადდება იმავე პროპორციებითა და სტრუქტურით, როგორც ნიგვზის, ან ნუშის, ან მზესუმზირის.. მე გამოვიყენე რეცეპტი წიგნიდან "ქართული სამზარეულო".