Showing posts with label დესერტები. Show all posts
Showing posts with label დესერტები. Show all posts

2016-06-24

ხაჭოს ჩიზქეიქი ჟოლოს სოუსით

        ჩიზქეიქის წარმოშობა ანტიკურ საბერძნეთს უკავშირდება. ბერძენ ექიმს დაუწერია წიგნი "ჩიზქეიქის მომზადების ხელოვნება". თანამედროვე რეცეცპტი პირველად აღმოაჩინეს 1390 წლის ინგლისურ კულინარიულ წიგნში. ჩიზქეიქის მომზადების ორი ვერსია არსებობს - გამომცხვარი შიგთავსით და გამოუცხობი. დღეს პირველ ვარიანტს გთავაზობთ. 


2016-06-16

ბლინების (კრეპების) ნამცხვარი ქოქოსით - ძალიან გემრიელია

           კრეპტორტები საკმაოდ გავრცელებული დესერტია და მათი მომზადების მრავალი ვარიაცია არსებობს. ძირითადად კრემის რეცეპტი იცვლება, კრეპები (ბლინები) კი კლასიკურად მზადდება. თუმცა სურვილისა და  ფანტაზიის მიხედვით მისი შეცვლაც შეიძლება.
          ამ ნამცხვარში სამი ფენაა, კრეპის, კრემისა და ქოქოსის ფანტელის. ინგრედიენტები ყველასთვის ხელმისაწვდომია. მომზადებაც მარტივია, თუმცა ცოტა ბევრი დრო სჭირდება ფენების მომზადებას.


2016-06-10

ორმაგი შოკოლადის ორცხობილები

დღეს ძალიან კარგ რეცეპტს გთავაზობთ. ამ  ორცხობილების გემო ყველას მოეწონა, ფერი კი დაიწუნეს.. მაგრამ, იმისათვის რომ შოკოლადის გემო მივიღოთ, დიდი რაოდენობით კაკაო გვჭირდება. ის კი გემოსთან ერთად მუქ ფერსაც აძლევს ჩვენს ორცხობილებს.. 
თუ ხართ ტკბილეულის და შოკოლადის მოყვარული, აუცილებლად სცადეთ და მოამზადეთ. განსაკუთრებით გემრიელია თბილი, როცა შოკოლადის წვეთები ჩამდნარია ორცხობილაში.


2016-05-28

მარწყვის ძალიან გემრიელი ნამცხვარი

სეზონურ რეცეპტს გთავაზობთ, ძალიან მარტივად მოსამზადებელი ნამცხვარია, ინგრედიენტებიც ხელმისაწვდომი, შედეგი კი უგემრიელესი.


2016-05-06

შოკოლადის უგემრიელესი ნამცხვარი

დიდი მარხვის შემდეგ პირველ რეცეპტს ვაქვეყნებ. ძალიან გემრიელი და განსხვავებული გემოს მქონე ნამცხვარია. რა თქმა უნდა, ტკბილია, მაგრამ ამას თან ახლავს კაკაოს ოდნავ მომწარო გემო და არომატი. ბისკვიტი ნოტიოა, ისიც კაკაოსა და ყავის არაჩვეულებრივი არომატით.  მომზადება მარტივია, განსაკუთრებით ბისკვიტის. ამაში თავადაც დარწმუნდებით თუ კითხვას განაგრძობთ და რეცეპტს გაეცნობით.


2016-04-10

ვაშლის სამარხვო ნამცხვარი

       გუშინ ჩვეულებრივი სამარხვო კექსის გამოცხობას ვაპირებდი, გემო დაახლოებით ისეთი ექნებოდა, როგორიც ამ პოპულარულ სამარხვო ორცხობილებს, მაგრამ მე რაიმე ახლის მომზადება მინდოდა, ამიტომ გადავწყვიტე მოხარშული კრემით, ვაშლით, ნიგვზითა და ქიშმიშით შემექმნა განსხვავებული გემო და ნამდვილად გამომივიდა. თუ ამ ნამცხვარს გამოაცხობთ აუცილებლად ძალიან გემრიელი და არომატული ჯემი გამოიყენეთ, რათა ბისკვიტიც ასეთივე გამოგივიდეთ.

2016-04-08

შოკოლადის სამარხვო ნამცხვარი

რადგან მარხვაა, შესაბამისად აქტუალურია კატეგორია "სამარხვო", მკითხველთა განსაკუთრებულ ინტერესს კი ნამცხვრების რეცეპტები იპყრობს. ამიტომ სამარხვო კექსის მომზადების კიდევ ერთ ვარიანტს გთავაზობთ. იმედი მაქვს, ეს რეცეპტიც დაიმსახურებს თქვენს მოწონებას.


2016-03-19

ყავის სამარხვო ნამცხვარი ნიგვზით

   ეს ნამცხვარი შობის მარხვის დროს ახალი წლისთვის გავაკეთე. იმის შემდეგ დადება არ ვიჩქარე, რადგან მარხვა დამთავრდა და ეს რეცეპტიც არ იქნებოდა თემატური და საინტერესო ბლოგის მკითხველთათვის. ახლა კი, მარხვის პერიოდში, ვფიქრობ, გამოგადგებათ.


2016-02-13

ფორთოხლის არომატული ნამცხვარი

თუ კვირა საღამოს განტვირთვას და დროის სასიამოვნოდ გატარებას აპირებთ, გირჩევთ ეს ნამცხვარი გამოაცხოთ და მეგობრები დაპატიჟოთ. მოამზადეთ არომატული ჩაი ლიმონით და შეიქმენით მყუდრო გარემო. ნამცხვარი იმდენად მარტივი მოსამზადებელია, რომ მისთვის ცოტა ოდენი დროის დათმობა ნამდვილად ღირს.


2016-01-21

ვაშლის არაჩვეულებრივი ნამცხვარი

       ეს ნამცხვარი არაჩვეულებრივია იმის მიუხედავად, რომ არაფრით განსხვავდება სხვა კექსებისგან. და, რადგან მთავარი მაინც გემოა, ის ნამდვილად იმსახურებს ამ სახელწოდებას რამდენიმე მიზეზის გამო. პირველი, სჭირდება ძალიან ცოტა დრო. მეორე, არ სჭირდება რაიმე განსაკუთრებული ინგრედიენტი და მესამე, უგემრიელესია. რაოდენ გასაკვირი და უცნაურიც არ უნდა იყოს, ნამცხვარს ბანანის გემო უფრო აქვს ვიდრე ვაშლის. ეს რამდენიმე ადამიანმა აღნიშნა :) მოკლედ, თუ ნამცხვრის გამოცხობას აპირებთ სცადეთ ეს რეცეპტი, ვფიქრობ, რომ მოგეწონებათ.

2015-12-26

ტირამისუ

       ტირამისუ ცნობილი იტალიური დესერტია. სიტყვა-სიტყვით ნიშნავს "ამიტაცე". ძალიან ნაზი და ჰაეროვანი ნამცხვარია. მრავალი წყაროს მიხედვით მისი წარმოშობა 1960-იან წლებს უკავშირდება. ზოგიერთი მასალის მიხედვით კი პირველად მე-17 საუკუნეში მოუმზადებიათ. ტრადიციული ტირამისუს ინგრედიენტების ჩამონათვალი მცირეა: სავოიარდის ჩხირები, კვერცხის გულები, შაქარი, ყავა, მასკარპონე და კაკაო. ის არ შეიცავს ლიქიორსა და კვერცხის ცილას ჩვენი დღევანდელი რეცეპტისგან განსხვავებით.


2015-09-07

ქიშმიშიანი კექსი

კექსები ყველაზე მარტივად მოსამზადებელი დესერტებია. სჭირდება ცოტა ინგრედიენტი და ცოტა დრო. თუმცა დღევანდელი რეცეპტი ცოტა მეტ დროს საჭიროებს, მაგრამ თუ ჩვეულებრივ ფორმაში გამოაცხობთ, ეს "პრობლემაც" მოგვარდება. მე მინდოდა მაღალი ნამცხვარი გამოსულიყო და ამიტომ 1 საათზე მეტ ხანს ვაცხე, რომ კარგად გამომშრალიყო.. სხვადასხვა სანელებელის დამატებით განსხვავებული არომატი და გემო მივიღე.


2015-09-02

ქოქოსის ნამცხვარი

დღეს არაჩვეულებრივი ნამცხვრის რეცეპტს გთავაზოთ. განსაკუთრებულია ყველაფრით, სჭირდება ცოტა ინგრედიენტი, ცოტა დრო, ძალიან სწრაფად მზადდება და, რაც ყველაზე მთავარია, არის უგემრიელესი. თუ ერთხელ სცდით, აუცილებლად გახდება თქვენი საყვარელი ნამცხვარი. ჰაეროვანი ბისკვიტი და ასევე ჰაეროვანი ნაღების კრემი, ქოქოსის ფანტელების არომატით მშვენიერ კომბინაციას ქმნის. შეინახეთ ეს რეცეპტი, სცადეთ და ასიამოვნეთ საყვარელ ადამიანებს.

2015-08-24

მაყვლისა და ჟოლოს ხვეულები

ხვეულები ან ფუნთუშები, რაც გინდათ ის უწოდეთ, ძალიან არომატული და გემრიელია. კარგია საუზმისთვის ფინჯან ჩაისთან ან ყავასთან ერთად. თუმცა დესერტადაც შეგიძლიათ მიირთვათ. მომზადება საკმაოდ მარტივია, მთავარია ცომი არ გაგიცივდეთ, რომ გაფუვდეს.

2015-08-11

ნიგვზისა და შოკოლადის ნაყინი

ნაყინი თითქმის ყველასთვის საყვარელი დესერტია. რადგან მისი შეძენა ნებისმიერ მაღაზიაში შეიძლება, სახლში ძალიან ცოტა თუ ამზადებს. მაგრამ... თუ გსურთ ნამდვილი ნაყინი მიირთვათ, ზუსტად იცოდეთ რას შეიცავს და როგორაა გაკეთებული, თავადვე უნდა მოამზადოთ. ეს რეცეპტი არაჩვეულებრივია. ნაყინის მომზადებისას სამზარეულოში არაჩვეულებრივი სურნელი იყო.  მაშინვე მივხვდი, რომ უგემრიელესი გამოვიდოდა. მოხალული ნიგოზი და შოკოლადი, ალბათ წარმოგიდგენიათ როგორი არომატული და გემრიელი იქნება ერთად. მაგრამ იმისათვის, რომ წარმოდგენის ნაცვლად, ნამდვილად დარწმუნდეთ, თავად უნდა მოამზადოთ. აუცილებლად დაიმსახურებთ მოწონებას.


ალუბლის გრანიტა

გრანიტა არაჩვეულებრივი დესერტია ზაფხულის ცხელი დღეებისთვის - ცივი, გემრიელი და დაბალკალორიული. ეს არის კრისტალებად გაყინული სიროფი. ერთი შეხედვით იფიქრებთ, რომ დიდი არაფერია, მაგრამ, დამიჯერეთ, ძალიან არომატული და გემრიელია. განსაკუთრებულია მომზადების სიმარტივითაც. შედარებით დიდი დრო მის გაყინვასა და დაკრისტალებას სჭირდება. ამ დესერტს კიდევ ერთი პლუსი აქვს, შეგიძლიათ მარხვის დროსაც მიირთვათ :) <3 ხილი თქვენი გემოვნებისა და შესაძლებლობის მიხედვით შეგიძლიათ შეცვალოთ, მთავარია ინსტრუქციას მიჰყვეთ.

2015-08-01

ნაყინის უგემრიელესი ნამცხვარი

ეს რეცეპტი ნაყინის, ბრაუნისა და ამ ორი უგემრიელესი დესერტის კომბინაციის მოყვარულებისთვისაა. მისი მომზადება საკმაოდ მარტივია, დრო მხოლოდ გაყინვას სჭირდება. ნაყინს კიდევ უფრო გემრიელს ხდის შოკოლადი და მოხალული თხილი. ეს ნამცხვარი კარგი არჩევანია დაბადებისდღისთვის ან უბრალოდ მეგობრებისა და ოჯახის წევრების გასახარებლად. ძალიან გემრიელია და ღირს რომ მოამზადოთ <3


2015-07-28

სტაფილოს ნამცხვარი

ამ რეცეპტს, სავარაუდოდ, არ ექნება ბევრი ნახვა, არც მოწონება და არც გაზიარება. მიზეზი კი ის იქნება რომ ბევრი თქვენგანი იფიქრებს "რა უნდა სტაფილოს ნამცხვარში". სიმართლე გითხრათ, დიდი ხნის განმავლობაში მეც ამ მიზეზით არ ვამზადებდი მსგავს კექსს, მაგრამ გუშინ გადავწყვიტე მეცადა და ძალიან კმაყოფილი დავრჩი. ესაა უგემრიელესი ნამცხვარი ჯავზისა და დარიჩინის საოცარი არომატით, სტაფილოს გემო არ იგრძნობა, მაგრამ ის განსაკუთრებულ სიფაფუკეს სძენს მას. უმარტივესი რეცეპტითა და რამდენიმე ინგრედიენტით შეგიძლიათ ძალიან გემრიელი კექსი გამოაცხოთ. ნუ ეტყვით ოჯახის წევრებს რომ ამ კექსის მთავარი ინგრედიენტი სტაფილოა, ვერავინ მიხვდება და უგემრიელესი ნამცხვრით ისიამოვნებენ. იმედია ჩემი აღწერა დაგაინტერესებთ და თუ ასე მოხდა, მაშინ განაგრძეთ კითხვა და აუცილებლად შეინახეთ ეს რეცეპტი. :)


2015-07-26

შვრიის ორცხობილები შოკოლადითა და ქიშმიშით

ეს ორცხობილები (პეჩენიები) ერთ-ერთი საუკეთესოა მსგავს დესერტებს შორის. შვრია, შოკოლადი, ქიშმიში, დარიჩინი და თაფლი ერთად არაჩვეულებრივ არომატსა და გემოს ქმნის. მომზადება ძალიან მარტივია და დროც საკმაოდ ცოტა სჭირდება. ნამდვილად ღირს რომ მოამზადოთ. მისი შენახვა შეგიძლიათ 1 კვირა, თავდახურული ჭურჭლით. ამ რეცეპტით გამოდის 40-45 ცალი ორცხობილა.

2015-07-23

კაკაოს ბლინები

ბლინები, ფენქეიქები, ოლადები და ა.შ. სხვადასხვა ქვეყანაში განსხვავებული სახელი აქვს და მომზადებაც ოდნავ განსხვავდება. ძირითადი ინგრედიენტები უცვლელია, რეცეპტები პროპორციებით განსხვავდებიან და, შესაბამისად, გემოც ცოტა სხვანაირია. კაკაოს ბლინები საკმაოდ მარტივად მზადდება და ძალიან უხდება ნაყინს, ასევე კენკრას.. შეგიძლიათ მიირთვათ საუზმეზე ან დესერტად <3