ბრუსკეტა-გემრიელი საუზმე

ბრუსკეტა იტალიურ სამზარეულოს მიეკუთვნება. მისი მომზადების მრავალი ვარიაცია არსებობს. ერთ-ერთ ვარიანტს დღეს გთავაზობთ. ძალიან სწრაფად კეთდება და სულ რამდენიმე ინგრედიენტი დაგჭირდებათ. ძალიან გემრიელია. აუცილებლად მოამზადეთ, თქვენს ოჯახის წევრებს მოეწონებათ <3

დაგჭირდებათ:

• 1 პური
• 3 საშუალო ზომის პომიდორი
• 150 გ. გახეხილი ყველი
• 8-10 რეჰანის ფოთოლი
• ზეთი 
• მარილი, პილპილი გემოვნებით
• 2 კბილი ნიორი

მომზადება:

• პომიდორი  კუბიკებად, რეჰანი კი წვრილად დაჭერით და ერთად მოათავსეთ ჯამში, მოაყარეთ მარილი, პილპილი და ცოტა ზეთი მოასხით. კარგად აურიეთ და გადადგით გვერდით.
• პური თხლად დაჭერით. წაუსვით ზეთი, მოაყარეთ ცოტა მარილი და პილპილი. (თუ ყველი საკმარისად მარილიანია, მხოლოდ პილპილი). დააწყვეთ საცხობ ტაფაზე და შედგით აირღუმელში 200 გრადუსზე 5-10 წუთით,
• შემდეგ გამოიღეთ, წაუსვით ნიორი (შუაზე გაჭრილი). 

• მოაყარეთ ყველი და შედგით კვლავ აირღუმელში. როცა ყველი გადნება გამოიღეთ და მოაყარეთ წინასწარ გამზადებული პომიდორი. მზადაა, გემრიელად მიირთვით  <3