იდეალი

იდეალი–ძალიან ძველი, ბებიის დროინდელი რეცეპტი, სწორედ ბებიის ახალგაზრდობის  ბლოკნოტიდან. როგორც ვიცი  ხშირად აცხობდა ხოლმე, შემდეგ დედა მიკეთებდა, ახლა კი პირველად მეც გამოვაცხე. ისეთი გემრიელი სუნი იდგა სამზარეულოში, აღფრთოვანებული ვიყავი :დ <3

"ქაფქეიქები" მიწისთხილის კარაქის კრემითა და შოკოლადით

საახალწლო მაგიდა წარმოუდგენელია უგემრიელესი ტკბილეულის გარეშე, ვფიქრობ ამაში ყველა დამეთანხმებით. ეს უგემრიელესი და ეფექტური "ქაფქეიქები" ნამდვილად დაამშვენებს თქვენს მაგიდებს. რთული ნამდვილად არაფერია, სამ ეტაპად მზადდება: 1) ქაფქეიქის გამოცხობა 2) კრემის მომზადება და ქაფქეიქების მორთვა 3)შოკოლადში ამოვლება.

კვლავ გავიმეორებ, რომ უგემრიელეს შედეგს მიიღებთ.

Chocolate Chip Cookies (მე-2 ვარიანტი)

ძალიან მარტივი და გემრიელი ამერიკული ორცხობილები (პეჩენიები), რომელთა მომზადების პირველი ვარიანტი შეგიძლიათ იხილოთ აქ. საკმაოდ სწრაფად მზადდება, ამ რეცეპტს არ სჭირდება კვერცხი.

შოკოლადის ნამცხვარი

დატვირთული კვირის შემდეგ, ჩემთვის სამზარეულოში ყოფნა საუკეთესო არჩევანია დასვენებისთვის :) გუშინ უგემრიელესი შოკოლადის ნამცხვარი გამოვაცხვე, იმედი მაქვს  ფოტო მოგხიბლავთ და თქვენც ცდით :) ნამდვილად ღირს, ძალიან მარტივი მოსამზადებელია და არც დიდი დრო სჭირდება.

ვაშლის კექსი დარიჩინის არომატით

ბლოგზე ძალიან იშვითად ქვეყნდება ახალი რეცეპტები, რაც ძალიან არ მომწონს, მაგრამ თავისუფალი დროის სიმცირის გამო ვერ ვახერხებ.
დღეს კი ძალიან  ადვილი ვაშლის კექსის რეცეპტს გთავაზობთ. მას არ სჭირდება ბევრი დრო და დიდი ძალისხმევა.

ბრაუნი

ამ უგემრიელესი ნამცხვრის სამშობლო აშშ-ია, პირველად ის მე-19 საუკუნეში მოამზადეს. ბრაუნი  პოპულარული გახდა, როგორც აშშ-ში , ასევე კანადაში მე-20 საუკუნის პირველ ნახევარში.  ის ერთგვარი ხიდია ნამცხვრებსა და ორცხობილებს შორის (between a cake and a cookie) ბრაუნის მომზადების სხვადასხვა ვარიაცია არსებობს, ცომს უმატებენ თხილს, ნიგოზს, შოკოლადის წვეტებს და სხვა ინგრედიენტებს.

მარტივი ნამცხვარი ქოქოსით

რა ხშირადაა ისეთი მომენტი, როცა რაიმე ტკბილი გვინდა, მაგრამ არ გვაქვს ბევრი დრო მოსამზადებლად. ამისთვის ბლოგზე ერთი მშვენიერი რეცეპტი გვაქვს "მაგ ქეიქის". ეს ნამცხვარიც თითქოს იგივენაირად მზადდება,მაგრამ არის პატარა განსხვავებები. ძირითადად ის რომ დამატებული აქვს ქოქოსის ფანტელები და პროპორციებიც ცოტა შეცვლილია, ახლა დეტალურ რეცეპტზე გადავალ.

ვაშლის ნამცხვარი

დღეს კიდევ ერთი მარტივი და ძალიან გემრიელი ნამცხვრის რეცეპტი უნდა გაგიზიაროთ. ძალიან ჰაეროვანი და არომატულია. ვაშლისა და დარიჩინის შესანიშნავი სურნელით გაჯერებული. მოსამზადებლად 1 საათიც არ დაგჭირდებათ. ნამცხვარი უგემრიელესია, როგორც თბილი ასევე ცივი.

ნამცხვარი "რობსონი"

ეს რეცეპტი ბებოს ძველ რეცეპტების ბლოკნოტში ვნახე, ახალგაზრდობაში ბებო აცხობდა  (ალბათ), დედასაც ხშირად გაუკეთებია და ძალიან მომწონდა. მე პირველად გამოვაცხე და ძალიან მომეწონა, ვიზუალიც და გემოც. არაფერი რთული არაა და არც დიდი დრო არ სჭირდება. პარალელურ რეჟიმში შეგიძლიათ მოამზადოთ ბისკვიტი და კრემი.

ტარტი შინდის ჯემით

პეროგი, ღვეზელი, ტარტი.. ბევრისთვის საყვარელი დესერტია და მათი მომზადების მრავალი ვარიაცია არსებობს, როგორც ფხვიერი ცომის, ასევე შიგთავსის. დღეს წარმოდგენილ ვიდეო რეცეპტში შედარებით რბილი ცომის მომზადებას წარმოგიდგენთ, გულსართი კი შეგიძლიათ თქვენი გემოვნებისდამიხედვით შეცვალოთ. ტარტის მომზადების შემდეგ თუ ცომი დაგრჩათ შეგიძლიათ მოამზადოთ ორცხობილები შოკოლადის კარაქით.

ნამცხვარი "რაფაელო"

ორცხობილები (პეჩენიები) შოკოლადის კარაქით

ამ ორცხობილების გაკეთება სულაც არ მქონდა გეგმაში, მაგრამ ტარტის ცომი დამრჩა და გადავწყვიტე შოკოლადის კარაქი ჩამედო გულში და ასე გამომეცხო. მშვენიერი გამოვიდა, ვფიქრობ ასეთი ცომი რო მაცივარში გვქონდეს ურიგო არ იქნება, სასურველ დროს რამდენიმე წუთში მოვამზადებთ გემრიელ დესერტს ან საუზმეს.

ყავისფერი ამერიკული ნამცხვარი

ბოლო ერთი კვირა სულ რაღაცას ვაცხობდი და ასე ვისვენებდი სოფელში :) ამ ნამცხვრის გაკეთებას დიდხანს ვაპირებდი, მაგრამ არ მეგონა თუ რამე განსაკუთრებული იყო. საბედნიეროდ შევცდი! ეს იყო უგემრიელესი ნამცხვარი, რომელიც პირში დნებოდა. ვიზუალი არ აქვს რაღაც განსაკუთრებული, მაგრამ დამიჯერეთ ძალიან გასხვავდება ჩვეულებრივი კექსებისგან. მოკლედ ბევრს აღარ "ვილაპარაკებ" და წარმოგიდგენთ რეცეპტს, მომზადების ამსახველ ფოტოებთან ერთად.
1 ნაჭერი შეიცავს 440კ/კალს.

ტარტალეტკები (მეორე ვარიანტი)

1 კვირაა არაფერი დამიდია, ძალიან ცხელა და ცოტა გავზარმაცდი :D მაგრამ შევეცდები გამოვასწორო. ტარტალეტკებს ყოველთვის ამ რეცეპტით ვამზადებდი ხოლმე, თუმცა ფოტო არ მქონდა შემორჩენილი, ცოტა ხნის წინ ტარტალეტკების ერთი რეცეპტი გაგიზიარეთ (იზილეთ აქ :) ) ისე პირველად მოვამზადე, ცუდი არ იყო, მაგრამ მე პირადად ამ რეცეპტს ვამჯობინებ, თქვენც სცადეთ, ვფიქრობ მოგეწონებათ :)

ფრანგული კარტოფილის ნამცხვარი (სამარხვო)

ამ უგემრიელესი ნამცხვრის რეცეპტი, ქართულ კულინარიულ საიტზე gemrielia.ge-ზე ვნახე. დიდ მადლობას ვუხდი მათ ასეთი შესანიშნავი რეცეპტისთვის. ნამდვილად ძალიან მარტივია და უგემრიელესი. ვინც გასინჯა ყველას ძალიან მოეწონა. გირჩევთ მოამზადოთ. რეცეპტი გადმოღებულია ზემოთ აღნიშნული საიტიდან, ფოტო კი ჩემი გადაღებულია :)

მოცვის მინი კექსები

მოცვი ისე საჭმელად ნამდვილად არ მომწონს. აქამდე არც ნამცხვრებში გამომიყენებია, მაგრამ ხშირად მხვდებოდა მაფინებისა და სხვადასხვა საკონდიტრო ნაწარმის რეცეპტებში. მოცვის მინი კექსები უგემრიელესია, ძალიან არომატული და ჰაეროვანი. მომზადება უმარტივესი, დროც საკმაოდ ცოტა დაგჭირდებათ. რეცეპტით გამოდის 12-14 ცალი მინი კექსი. თითოეულს 120 კილოკალორია აქვს.

ტრაიფლი (ჩინური (ინდური) ტორტი)

ეს უგემრიელესი დესერტი ძალიან ადვილად და სწრაფად, სულ რაღაც 10 წუთში მზადდება. ტრაიფლი სამი ფენისგან შედგება: ბისკვიტი, კრემი და ხილი. სამივე მასალის შეცვლა შეგიძლიათ თქვენი სურვილისა და შესაძლებლობების მიხედვით. მე ბისკვიტად  დარჩენილი კექსი გამოვიყენე, კრემი- მოხარშული, ხილი - ჟოლო.

ნამცხვარი ცხობის გარეშე

ამ ნამცხვრის გაკეთებას დიდი ხანი ვაპირებდი და სულ გადადება მიწევდა, როგორც იქნა თავი მოვაბი და ძალიან მიხარია. საკმაოდ მარტივად მზადდება, თან არ გაქვთ სანერვიულო იმაზე როგორი ბისკვიტი გამოგივათ. დილით რომ მაცივრიდან გამოვიღე ბანანის სურნელი ვიგრძენი. ძალიან გემრიელია, ნოყიერი და ამავდროულად ძალიან კალორიული.

ცხელი რძის ნამცხვარი

როგორც ბლოგის facebook-ის გვერდზე გითხარით, ასეთი ნამცხვარი აქამდე არც გამესინჯა და არც გამეგო მისი არსებობის შესახებ. რძე მქონდა და მინდოდა რამე გამეკეთებინა, აუცილებელი ინგრედიენტი უნდა ყოფილიყო. :D  ინტერნეტში უცხოურ კულინარიულ საიტებს ხშირად ვსტუმრობ და ესეც სწორედ იქ აღმოვაჩინე :) როგორც გავიგე საკმაოდ ძველი რეცეპტია. არ გადავდე მომზადება და რამდენიმე საათში დავიწყე. დრო არ სჭირდება  ბევრი მაქსიმუმ 1 საათში უკვე გამომცხვარი გედებათ თეფშზე :) რეცეპტის ბოლოს კალორიებზეც მოგახსენებთ, თუ რამდენს შეიცავს ერთი ნაჭერი. უკვე ზაფხულია და წონას გაფრთხილება სჭირდება :) აქვე ერთ პოსტს გაგახსენებთ 10 ოქროს წესი ჯანსაღად წონის დასაკლებად.

არომატული ბლინები

რამდენი ხანია რაც ბლინები არ მომიმზადებია, არადა თავიდან სწორედ ამის მომზადებით დავიწყე ყველაფერი :დ როცა პატარა ვიყავი დედას ვთხოვდი, რომ გაეკეთებინა. ახლა რამდენიმე დღის წინ თვითონ მოუნდა, გვიან იყო და ვერ გავაკეთე. დღეს, როგორც კი მოვიცალე მოვამზადე, ერთი ცვლილებით-ფორთოხლისა და ლიმონის ცედრა დავამატე. როგორც კი გამოცხვა შესანიშნავი სურნელი ვიგრძენი <3 ბლინებსაც შესანიშნავი არომატი გასდევს. ყველაფერი საოცრად მარტივია, ამიტომ ნუ დაიზარებთ და მოამზადეთ :)