სოკოსა და ქათმის სალათა

ძალიან დიდი ხანია ახალი რეცეპტი არ დამიდია, დრო ნამდვილად არ მქონდა. ამის მიუხედავად ბლოგის Facebook-ის გვერდს ლაიქები ემატება და ზოგიერთი მკითხველი კვლავ სტუმრობს გვერდს. ეს მიხარია :) დღეს მარტივი და გემრიელი სალათის რეცეპტს გთავაზობთ. მაიონეზის მოყვარული არ ვარ, მაგრამ სალათის დრესინგისთვის ყველაზე მარტივი გამოსავალია. თქვენ მის ნაცვლად შეგიძლიათ სხვა რამ გამოიყენოთ.

დაგჭირდებათ:

• 2 ჩ.ჭ. ბრინჯი (200 მლ.-იანი ჭიქა)
• 250 გ. ქათმის ფილე
• 250 გ. ქამა სოკო 
• 250 მლ. მაიონეზი
• მარილი, პილპილი გემოვნებით
• წითელი წიწაკა გემოვნებით
• 1 ჩ.კ. უცხო სუნელი
• 1/2 კონა მწვანე ხახვი
• 1/2 კონა კამა
• ასევე შეგიძლიათ დაუმატოთ 2 ბულგარული წიწაკა
• ზეთი 2 ს.კ.

მომზადება:

• ბრინჯი 4 ჭიქა ადუღებულ, მარილიან წყალში მოი. სალხარშეთ. არ უნდა ჩაიშალოს. ბრინჯი უნდა იყოს 'ფანტია". მოხარშულ ბრინჯს დაასხით ცივი წყალი, შემდეგ კი გადაუწურეთ და ბრინჯი ჯამში მოათავსეთ.
• ქათმის ფილე მოხარშეთ ან შეწვით (ოღონდ ძალიან ნუ გამოაშრობთ ხორცს). შემდეგ წვრილად დაწერით.
• სოკო მოშუშეთ ზეთში. თუ დაკონსერვებულს გამოიყენებთ, მოშუშვამდე ადუღებული წყალი დაასხით და 4-5 წუთი გააჩერეთ.
• კამა, მწვანე ხახვი წვრილად დაჭერით. ასევე წვრილად დაჭერით ბულგარული წიწაკა. (მე არ მქონდა და ამიტომ არ დამიმატებია).
• ბოლოს ყველა ინგრედიენტი აურიეთ ერთმანეში და სალათაც მზადაა :)