მიწისთხილის კარაქის ორცხობილები (პეჩენიები)

დიდი ხანია არაფერი დამიდია, სამწუხაროდ ვერ მოვახერხე. თუმცა დღეს უგემრიელესი ორცხობილების რეცეპტს გთავაზობთ, არაქისის/მიწისთხილის კარაქის მოყვარულებს განსაკუთრებით მოგეწონებათ. საკმაოდ მარტივად და სწრაფად მზადდება. არაქისის კარაქის გაკეთება სახლშიც შეგიძლიათ, ამისთვის იხილეთ ეს ბმული არაქისის კარაქის მომზადება

ინგრედიენტები:

• 130 გ. კარაქი
• 1 ჩ.ჭ. მიწისთხილის კარაქი
• 1 კვერცხი
• 3/4 ჩ.ჭ. შაქარი
• ვანილინი
• 2+1/4 ჩ.ჭ. ფქვილი
• 1 ჩ.კ. სოდა
• 1/2 ჩ.კ. მარილი

მომზადება:

• კარაქი და მიწისთხილის კარაქი ერთად ათქვიფეთ.
• რამდენიმე წუთში დაამატეთ შაქარი. განაგრძეთ თქვეფა.
• კრემისებურ მასას რომ მიიღებთ, კვერცხი და ვანილიც შეათქვიფეთ.
• ფქილი, სოდა და მარილი აურიეთ ცალკე თასში, შემდეგ კი დაამატეთ კარაქიან მასას. მოზილეთ ცომი.
• გააკეთეთ ბურთულები, დააწყვეთ ცივ საცხობ ფირფიტაზე, ხელით ოდნავ დააწექით. გამოაცხეთ 175 გრადუსზე. 10-12 წუთში მზადაა.