2016-06-24

ხაჭოს ჩიზქეიქი ჟოლოს სოუსით

        ჩიზქეიქის წარმოშობა ანტიკურ საბერძნეთს უკავშირდება. ბერძენ ექიმს დაუწერია წიგნი "ჩიზქეიქის მომზადების ხელოვნება". თანამედროვე რეცეცპტი პირველად აღმოაჩინეს 1390 წლის ინგლისურ კულინარიულ წიგნში. ჩიზქეიქის მომზადების ორი ვერსია არსებობს - გამომცხვარი შიგთავსით და გამოუცხობი. დღეს პირველ ვარიანტს გთავაზობთ. 



დაგჭირდებათ:

            ცომისთვის:
  • 210 გ. ორცხობილა
  • 100 გ. გამდნარი კარაქი/მარგარინი
  • 4 ს.კ. შაქარი
           შიგთავსისთვის:
  • 750 გ. ხაჭო
  • 300 გ. ჟოლოს იოგურტი
  • 3 ს.კ. თაფლი
  • 3 კვერცხი
  • 3 ჩ.კ. ფქვილი
  • 1 პაკეტი ვანილინი
+ ჟოლოს სოუსი. რეცეპტი იხილეთ აქ.

მომზადება:
  • ორცხობილები სამზარეულოს კომბაინში დაფქვით, დაუმატეთ შაქარი და გამდნარი კარაქი. აურიეთ და შემდეგ 28 სმ. დიამეტრის ფორმაში გაანაწილეთ.
  • შიგთავსის მოსამზადებლად კომბაინში აურიეთ ყველა ინგრედიენტი. გადაიტანეთ გამზადებულ ფორმაში, მოასხით სოუსი. ხის წკირით გააკეთეთ წრიული მოძრაობა, რომ ასეთი ეფექტი მიიღოთ.



  • გამოაცხეთ 175 გრადუსზე 1 საათი. გააციეთ და ისე მიირთვით.