ყაბაყის მუსაკა ყველით

ყაბაყი საკმაოდ კარგი ბოსტნეულია. ის მდიდარია კალიუმით, რკინითა და C ვიტამინით. ამიტომ მისგან მომზადებული კერძები არა მარტო კარგი გემოთი, არამედ სასარგებლო თვისებებითაც გამოირჩევა. დღევანდელი რეცეპტი საკმაოდ მარტივია. ყაბაყის მუსაკა გემრიელი, მსუბუქი და ნოყიერი კერძია. განსაკუთრებულ არომატს სვანური მარილი სძენს.

დაგჭირდებათ:

• 1 კგ. ყაბაყი
• 2 ჩ.ჭ. გახეხილი ყველი
• 2 დიდი კვერცხი
• 3-4 ს.კ. მაწონი
• ნახევარი კონა ოხრახუში
• 2 კბილი ნიორი
• სვანური მარილი გემოვნებით
• ფქვილი დაახლოებით 2/3 ჩ.ჭ.
• ზეთი შესაწვავად

    *     მე გამოვიყენე დიდი ყაბაყი, საკმაოდ დიდი დიამეტრის. თუ თქვენც მსგავსს გამოიყენებთ, მაშინ დაჭერით რგოლებად. თუ ბადრიჯნის ზომისას, მაშინ სიგრძეზე გაჭერით

      *    თუ ყველი ნაკლებად მარილიანია მაწონსაც დაუმატეთ მარილი გემოვნებით.

მომზადება:

• ფქვილს შეურიეთ სვანური მარილი და წვრილად დაჭრილი ნიორი. ყაბაყის ნაჭრები ამოავლეთ მასში და ცხელ, ზეთმოსხმულ ტაფაზე შეწვით ორივე მხრიდან.
• გახეხილ ყველს შეურიეთ 1 კვერცხი.
• საცხობ ტაფაზე დადეთ ყაბაყის ერთი ფენა, ზემოდან დაადეთ ყველის მასა და მეორე ფენა დაადეთ. 
• მაწონს შეურიეთ წვრილად დაჭრილი ოხრახუში, კვერცხი და მარილი, თუ საჭიროა. ეს მასა მომზადებულ ყაბაყს გადაუსვით.
• 200 გრადუსზე გაცხელებულ ღუმელში გამოაცხვეთ. სჭირდება დაახლოებით 20-25 წუთი. უნდა მიიღოს მოწითალო შეფერილობა. 

მარტივი და გემრიელი სადილი მზადაა! <3