ნამცხვარი "სიგარეტები"

ალბათ ყველასთვის ნაცნობი ნამცხვარია, მისი შეძენა მაღაზიებშიც შეგიძლიათ. თუმცა მომზადება იმდენად მარტივია გირჩევთ სახლში გააკეთოთ. რამდენიმე ინგრედიეტი დაგჭირდებათ და დროც საკმაოდ მცირე.

დაგჭირდებათ:

• 1 კვერცხი
• 3 ს.კ. შაქარი
• 200 მლ. მაწონი
• 70 გ. კარაქი
• 1/2 ჩ.კ. სოდა
• ვანილი
• მწიკვი მარილი
• 3-3,5 ჩ.ჭ. ფქვილი
• 100 გ. ნიგოზი+ 3 ს.კ. შაქარი (შიგთავსისთვის)
• 1 კვერცხის გული ზემოდან წასასმელად

მომზადება:

• კვერცხი, კარაქი და შაქარი ხელის სათქვეფით ათქვიფეთ, შემდეგ დაამატეთ მაწონი, რომელშიც გახსნით სოდას. კარგად ათქვიფეთ. დაამატეთ მარილი და ვანილი.
• ჩააცერით ფქვილი და მოზილეთ რბილი ცომი. 
• ნიგოზი დაფქვით და შეურიეთ შაქარი.
• ცომი თხლად გააბრტყელეთ და დაჭერით სამკუთხედებად.
• განიერ ნაწილზე დადეთ 1 ჩ.კ. შიგთავსი და ვიწრო ნაწილისკენ გადაახვიეთ. 
• ზემოდან გადაუსვით ათქვეფილი კვერცხის გული. გამოაცხეთ 180 გრადუსზე. დასჭირდება 15-20 წუთი. უნდა გახდეს სასიამოვნო ოქროსფერი.
• როცა გაგრილდება შეგიძლიათ მოაყაროთ შაქრის პუდრა.