ბრაუნი თხილით-უგემრიელესი დესერტი

ძალიან დიდი ხანია არაფერი დამიდია.. დრო არ მქონდა და ამიტომ.. თუმცა დღეიდან ვეცდები შედარებით გავაქტიურდე ბლოგზე. ბრაუნის მომზადების მრავალი ვარიაცია არსებობს, 2 სახის რეცეპტი ბლოგზე დევს (იხილეთ ბრაუნის რეცეპტები ) ახალი რეცეპტი წინა ორისგან განსხვავებულია, აქ შოკოლადის ნაცვლად კაკაო გამოიყენება. რამდენიმე ინგრედიენტისგან, მცირე ძალისხმევით შეგიძლიათ უგემრიელესი ნამცხვარი მოამზადოთ. დროც საკმაოდ ცოტა დაგჭირდებათ.

დაგჭირდებათ:

• 4 დიდი კვერცხი
• 2 ჩ.ჭ. შაქარი
• 1 ჩ.ჭ. ზეთი
• ვანილი
• 1 ჩ.ჭ. ფქვილი
• 2/3 ჩ.ჭ. კაკაო
• 1/6 ჩ,კ. სოდა
• მწიკვი მარილი
• 1/2 ჩ.ჭ. თხილი

მომზადება:

• კვერცხი და შაქარი ერთად ათქვიფეთ, უნდა მიიღოთ თეთრი, სქელი მასა.
• შემდეგ დაამატეთ ზეთი, ვანილი და მარილი.
• ცალკე ჯამში ჩაცერით მშრალი ინგრედიენტები: ფქვილი, კაკაო, სოდა. აურიეთ და კვერცხიან მასას ჩააცერით. ხელის სათქვეფით შეურიეთ.
• ბოლოს დაუმატეთ თხილი.
• ფორმას წაუსვით ცხიმი, გადაიტანეთ ცომი. გამოაცხეთ 175 გრადუსზე. დასჭირდება 25-30 წუთი. ზემოდან უნდა დაიფშხალოს.

მიირთვით ნაყინთან ერთად, გემრიელია ცხელიც და ცივიც <3