ხაჭაპური მაწვნიანი ცომით (ვიდეო რეცეპტი)

უგემრიელესი ხაჭაპურის ვიდეო რეცეპტს გთავაზობთ, ვფიქრობ მოგეწონებათ.

დაგჭირდებათ:

• 1 მთლიანი კვერცხი + 2 კვერცხის ცილა
• 250 გ. გამდნარი მარგარინი
• 500 მლ. მაწონი + 1 ჩ.კ. სოდა
• 6-7 ჩ.ჭ. ფქვილი
• 600 გ. გახეხილი ყველი
• 2 კვერცხის გული (ზემოდან წასასმელად)

მომზადება:

• კვერცხი გამდნარ მარგარინთან ერთად ათქვიფეთ.
• სოდა გახსენით მაწონში და კვერცხიან მასას დაუმატეთ. კარგად შეურიეთ. 
• ჩააცერით ფქვილი და მოზილეთ რბილი ცომი. შემდეგ ჩაის ტილო გადააფარეთ და 1 საათი გააჩერეთ.
• ცომი გაყავით ორ ნაწილად, პირველი ნაწილი  გააბრტყელეთ, მოაყარეთ ყველი. მეორე ნაწილიც გააბრტყელეთ და ზემოდან დაადეთ. 
• ზემოდან ათქვეფილი კვერცხის გული გადაუსვით.
• გამოაცხვეთ 180 გრადუსზე 30 წუთი.