ბრინჯისა და სოკოს სალათა

საერთოდ სალათები ძალიან მიყვარს, მაგრამ ამ სალათს გამოვარჩევდი. ხშირად ვამზადებ და ნამდვილად უგემრიელესია. არ სჭირდება ბევრი ინგრედიენტი და დიდი წვალება. ერთი სიტყვით მშვენიერი სალათაა და გირჩევთ მოამზადოთ.

მასალა:
400 გ დაკონსერვებული ქამა სოკო

2 ჩ.ჭ. ბრინჯი
1 კონა კამა
1 კონა მწვანე ხახვი
200 მლ მაიონეზი (სამარხვო თუ მარხვაზე ხართ)
მარილი, პილპილი გემოვნებით

მომზადება:
ბრინჯი მოვხარშოთ. სოკო ზეთში მოვშუშოთ. გავაციოთ და შევურიოთ ერთმანეთ. კამა და მწვანე ხახვი დავჭრათ და დავამატოთ. მოვაყაროთ მარილი და პილპილი გემოვნებით. შემდეგ მოვასხათ მაიონეზი და კარგად ავურიოთ.