ფორთოხლის არომატული ნამცხვარი

თუ კვირა საღამოს განტვირთვას და დროის სასიამოვნოდ გატარებას აპირებთ, გირჩევთ ეს ნამცხვარი გამოაცხოთ და მეგობრები დაპატიჟოთ. მოამზადეთ არომატული ჩაი ლიმონით და შეიქმენით მყუდრო გარემო. ნამცხვარი იმდენად მარტივი მოსამზადებელია, რომ მისთვის ცოტა ოდენი დროის დათმობა ნამდვილად ღირს.

ქათმის სალათი ბულგარული წიწაკით

ქათმის სალათი ჩემი ერთ-ერთი უსაყვარლესი კერძია. დარწმუნებული ვარ ბლოგის მკითხველებს შორისაც მრავალი აღმოჩნდება მისი მოყვარული. ამ სალათის მომზადების უამრავი ვარიანტი არსებობს, რომლებიც დამატებული ინგრედიენტებით განსხვავდებიან. დღევანდელი რეცეპტი საკმაოდ მარტივია და მხოლოდ რამდენიმე ინგრედიენტს მოითხოვს, შედეგი კი უგემრიელესი სალათია.

კარტოფილის მაჭკატები

         გაგისინჯავთ "ჰაშ-ბრაუნები"? ეს მაჭკატებიც მათი მსგავსია. ძალიან სწრაფად და მარტივად მზადდება. რეცეპტიც შეგიძლიათ თქვენი სურვილისა და შესაძლებლობების შესაბამისად შეცვალოთ, დაამატოთ ან მოაკლოთ რაიმე.

ვაშლის არაჩვეულებრივი ნამცხვარი

       ეს ნამცხვარი არაჩვეულებრივია იმის მიუხედავად, რომ არაფრით განსხვავდება სხვა კექსებისგან. და, რადგან მთავარი მაინც გემოა, ის ნამდვილად იმსახურებს ამ სახელწოდებას რამდენიმე მიზეზის გამო. პირველი, სჭირდება ძალიან ცოტა დრო. მეორე, არ სჭირდება რაიმე განსაკუთრებული ინგრედიენტი და მესამე, უგემრიელესია. რაოდენ გასაკვირი და უცნაურიც არ უნდა იყოს, ნამცხვარს ბანანის გემო უფრო აქვს ვიდრე ვაშლის. ეს რამდენიმე ადამიანმა აღნიშნა :) მოკლედ, თუ ნამცხვრის გამოცხობას აპირებთ სცადეთ ეს რეცეპტი, ვფიქრობ, რომ მოგეწონებათ.

სოკოს "კუჭმაჭი" მჭადის კალათებში

             გილოცავთ შობა-ახალ წელს! ტკბილი, გემრიელი და ბედნიერი ყოფილიყოს 2016 წელი თქვენთვის. ამ წელს პირველ რეცეპტს ვდებ. ეს არის ძალიან გემრიელი, სამარხვო სოკოს „კუჭმაჭი“ სანელებიანი მჭადის კალათებში. ფაქტობრივად ეს პოსტი 2 ახალ რეცეპტს აერთიანებს. მართალია ახლა მარხვა მთავრდება, მაგრამ აღდგომის მარხვისთვის გამოგადგებათ ან თუ სოკო გიყვართ შეგიძლიათ ახლაც მოამზადოთ.

გამომცხვარი კალმახი ლიმონითა და მწვანილებით

     გილოცავთ დამდეგ შობა-ახალ წელს. ბედნიერებისა და წარმატების მომტანი ყოფილიყოს ეს წელი თქვენთვის და თქვენი საყვარელი ადამიანებისთვის.            

       ახალ წელს ლამაზი და ორიგინალური კერძები უხდება და, რა თქმა უნდა, გემრიელი. ასე გამომცხვარი კერძი ზუსტად შეეფერება საახალწლო სუფრას. საკმაოდ მარტივი და სწრაფად მოსამზადებელია. თევზი გამოდის წვნიანი და არომატული. მწვანილი შეგიძლიათ თქვენი გემოვნებით აარჩიოთ. 

ტირამისუ

       ტირამისუ ცნობილი იტალიური დესერტია. სიტყვა-სიტყვით ნიშნავს "ამიტაცე". ძალიან ნაზი და ჰაეროვანი ნამცხვარია. მრავალი წყაროს მიხედვით მისი წარმოშობა 1960-იან წლებს უკავშირდება. ზოგიერთი მასალის მიხედვით კი პირველად მე-17 საუკუნეში მოუმზადებიათ. ტრადიციული ტირამისუს ინგრედიენტების ჩამონათვალი მცირეა: სავოიარდის ჩხირები, კვერცხის გულები, შაქარი, ყავა, მასკარპონე და კაკაო. ის არ შეიცავს ლიქიორსა და კვერცხის ცილას ჩვენი დღევანდელი რეცეპტისგან განსხვავებით.

სოკოსა და ქათმის სალათა

ძალიან დიდი ხანია ახალი რეცეპტი არ დამიდია, დრო ნამდვილად არ მქონდა. ამის მიუხედავად ბლოგის Facebook-ის გვერდს ლაიქები ემატება და ზოგიერთი მკითხველი კვლავ სტუმრობს გვერდს. ეს მიხარია :) დღეს მარტივი და გემრიელი სალათის რეცეპტს გთავაზობთ. მაიონეზის მოყვარული არ ვარ, მაგრამ სალათის დრესინგისთვის ყველაზე მარტივი გამოსავალია. თქვენ მის ნაცვლად შეგიძლიათ სხვა რამ გამოიყენოთ.

ქიშმიშიანი კექსი

კექსები ყველაზე მარტივად მოსამზადებელი დესერტებია. სჭირდება ცოტა ინგრედიენტი და ცოტა დრო. თუმცა დღევანდელი რეცეპტი ცოტა მეტ დროს საჭიროებს, მაგრამ თუ ჩვეულებრივ ფორმაში გამოაცხობთ, ეს "პრობლემაც" მოგვარდება. მე მინდოდა მაღალი ნამცხვარი გამოსულიყო და ამიტომ 1 საათზე მეტ ხანს ვაცხე, რომ კარგად გამომშრალიყო.. სხვადასხვა სანელებელის დამატებით განსხვავებული არომატი და გემო მივიღე.

პიცა

პიცის სამშობლო იტალიაა. ჯერ კიდევ მე-10 საუკუნეში დაუწყიათ ქვეყნის ცენტრალურ ნაწილში პიცის მომზადება. დღეს კი მსოფლიოს უამრავ ქვეყანაში დიდი პოპულარობით სარგებლობს. პიცის მომზადების უამრავი ვარიაცია არსებობს. ძირითადი ინგრედიენტები პომიდვრის სოული და ყველია, დანარჩენი ინგრედიენტები კი ადამიანის გემოვნებაზეა დამოკიდებული. შეგიძლიათ დაუმატოთ ბოსტნეული, ხორცი და სხვადასხვა სანელებელი. დღეს ცომისა და სოუსის მომზადების რეცეპტს გაგიზიარებთ.

ქოქოსის ნამცხვარი

დღეს არაჩვეულებრივი ნამცხვრის რეცეპტს გთავაზოთ. განსაკუთრებულია ყველაფრით, სჭირდება ცოტა ინგრედიენტი, ცოტა დრო, ძალიან სწრაფად მზადდება და, რაც ყველაზე მთავარია, არის უგემრიელესი. თუ ერთხელ სცდით, აუცილებლად გახდება თქვენი საყვარელი ნამცხვარი. ჰაეროვანი ბისკვიტი და ასევე ჰაეროვანი ნაღების კრემი, ქოქოსის ფანტელების არომატით მშვენიერ კომბინაციას ქმნის. შეინახეთ ეს რეცეპტი, სცადეთ და ასიამოვნეთ საყვარელ ადამიანებს.

ტორტი შოკოლადის განაშით

ჩემი აზრით, საკუთარი ხელით, მთელი გულითა და მონდომებით მომზადებულ საჩუქარს ვერაფერი შეედრება. 2 დღის წინ ჩემს საყვარელ დედას დაბადების დღე ჰქონდა და ეს ტორტი გავუკეთე. ფოტო ვერ ასახავს არაჩვეულებრივ გემოს. ნოტიო ბისკვიტი, ნაღების ჰაეროვანი კრემი, გამომცხვარი ბეზე და შოკოლადის უგემრიელესი განაში. ეს ყველაფერი ერთად არაჩვეულებრივია. ამ რეცეპტში ახალი განაშის მომზადება, ბისკვიტი უკვე ნაცადია და რეცეპტიც დევს ბლოგზე. ბეზეც უკვე გამოცდილი მეთოდით მოვამზადე. მაგრამ ამ რეცეპტის შენახვა განაშის გამო ნამდვილად ღირს. რეცეპტის ბოლოს დავურთავ ვიდეოს, რომლის მიხედვითაც მე მოვამზადე. 

მაყვლისა და ჟოლოს ხვეულები

ხვეულები ან ფუნთუშები, რაც გინდათ ის უწოდეთ, ძალიან არომატული და გემრიელია. კარგია საუზმისთვის ფინჯან ჩაისთან ან ყავასთან ერთად. თუმცა დესერტადაც შეგიძლიათ მიირთვათ. მომზადება საკმაოდ მარტივია, მთავარია ცომი არ გაგიცივდეთ, რომ გაფუვდეს.

რატატუი

რატატუი ფრანგული კერძია. საკმაოდ გავრცელებული და პოპულარულია ხმელთაშუა ზღვის სანაპიროზე. რატატუის ხშირად იყენებენ გარნირად, თუმცა ძირითად კერძადაც შეგიძლიათ მიირთვათ. მისი მომზადების რამდენიმე ვარიანტი არსებობს- ზოგი ცალკე ამზადებს პომიდვის სოუსს, რომელშიც ხახვსა და ნიორს ამატებს. ზოგი კი ყველაფერს ერთად ურევს. მე პირველ ვარიანტს გთავაზობთ, რომელიც ვიზუალურად ბევრად უკეთესია.

პომიდვრის გასპაჩო

გასპაჩო ესპანურ სამზარეულოს მიეკუთვნება. ეს არის ბოსტნეულის ცივი სუპი, რომლის ისტორიასაც ანტიკური ფესვები აქვს. ამ კერძს მრავალ ქვეყანაში მიირთმევენ, თუმცა განსაკუთრებით პოპულარულია ესპანეთსა და პორტუგალიაში. არსებობს გასპაჩოს მომზადების მრავალი ვარიაცია, რომლებიც ძირითადი იგრედიენტით განსხვავდებიან. პომიდვრის გასპაჩო ყველაზე მეტადაა გავრცელებული და მეც სწორედ მისი მომზადების რეცეპტს გთავაზობთ. სუპები აუცილებელია საჭმლის ნორმალური მონელებისათვის, ზაფხულში კი ცხელი წვნიანების ჭამა რთულია, ამ დროს ცივი სუპები საუკეთესო არჩევანია.