ფორთოხლის არომატული ტარტი

ტარტი ჩემი ერთ-ერთი საყვარელი დესერტია. მისი მომზადების უამრავი ვარიაცია არსებობს, განსხვავებულია, როგორც ცომი, ასევე შიგთავსი. ბლოგზე რამდენიმე განსხვავებული რეცეპტია. ვაშლის, ლიმონის, შინდის ჯემისა და მაყვლის ტარტების რეცეპტები შეგიძლიათ იხილოთ ლინკზე - ტარტები. დღევანდელი რეცეპტი, ისევე, როგორც წინამორბედები, ძალიამ გემრიელი, მარტივი და არომატულია.

ინგრედიენტები:

        ცომისთვის:

• 250 გ. კარაქი
• 1/4 ჩ.ჭ. შაქარი
• მწიკვი მარილი
• 2 ჩ.ჭ. ფქვილი

       კრემისთვის:

• 8 სადილის კოვზი კარაქი
• 3/4 ჩ.ჭ. ფორთოხლის წვენი
• 1/2 ჩ.ჭ. შაქარი
• 2 ფორთოხლის ცედრა
• 3 კვერცხი
• 3 კვერცხის გული
• 1 ვანილინი
• მწიკვი მარილი

მომზადება:

• ცომის მოსამზადებლად, კარაქი ათქვიფეთ შაქართან ერთად. კრემისებურ მასას რომ მიიღებთ, დაამატეთ ფქვილი და მოზილეთ რბილი ცომი. გააბრტყელეთ და მოათავსეთ ტარტის ფორმაში. გამოაცხეთ 190 გრადუსზე, დასჭირდება 20 წთ.
• პატარა ქვაბში მოათავსეთ კარაქი, ფორთოხლის წვენი, შაქარი და ცედრა. დადგით დაბალ ცეცხლზე. ცალკე ათქვიფეთ 3 კვერცხის გული და 3 მთლიანი კვერცხი. როცა ქვაბში მასა ერთგვაროვანი გახდება, 1/4 ჩ.ჭ. დაამატეთ კვერცხს, ათქვიფეთ და კვლავ ჩააბრუნეთ ქვაბში, გამუდმებით ურიეთ, როცა მასა შესქელდება გამომცხვარ ფენას დაასხით და შედგით აირღუმელში 10 წუთი. 
• შეგიძლიათ ზემოდან გააფორმოთ ფორთოხლის თხელი ნაჭრებით.
• კრემი უკეთ შესქელდება, როცა ნამცხვარი გაცივდება.